ഹൃദയസരസ്സിലേ (പാടുന്ന പുഴ)

ഹൃദയസരസ്സിലെ പ്രണയ പുഷ്പമേ

ഹൃദയസരസ്സിലെ പ്രണയ പുഷ്പമേ

ഇനിയും നിന്‍ കഥ പറയൂ (ഹൃദയ..)

അര്‍ദ്ധനിമീലിത മിഴികളിലൂറും

അശ്രുബിന്ദുവെന്‍ സ്വപ്ന ബിന്ദുവോ? (ഹൃദയ..)

എഴുതാന്‍ വൈകിയ ചിത്രകഥയിലെ

ഏഴഴകുള്ളൊരു നായിക നീ (എഴുതാന്‍..)

എന്നനുരാഗ തപോവന സീമയില്‍

ഇന്നലെ വന്ന തപസ്വിനി നീ (ഹൃദയ..)

എത്ര സന്ധ്യകള്‍ ചാലിച്ചു ചാര്‍ത്തി

ഇത്രയും അരുണിമ നിന്‍ കവിളില്‍

എത്ര സമുദ്ര ഹൃദന്തം ചാര്‍ത്തി

ഇത്രയും നീലിമ നിന്റെ കണ്ണില്‍